Өскемен қаласындағы "Қазмырыш" кәсіпорнының аумағында жарылыс болды. Апат салдарынан тоғыз адам дәрігерлер көмегіне жүгінуге мәжбүр болған. Қазіргі сәтте оқиға орнында жедел жәрдемнің бес бригадасы тоқтаусыз жұмыс істеп жатыр деп хабарлайды ozgeris.info сайты.
Шұғыл қызмет мамандары берген алдын ала мәліметке сүйенсек үш азаматтың жағдайы өте ауыр. Оның ішінде бір науқасқа дәл сол жерде дереу жансақтау шаралары жасалуда. Ал қатты жарақат алған екі жұмысшы шұғыл түрде ауруханаға жеткізілді. Тағы бір адамды кәсіпорын қызметкерлері өз күштерімен медициналық мекемеге алып кеткен.
Бұл оқиғадан зардап шеккен қалған адамдардың денсаулық жағдайы нақтылану үстінде. Дәрігерлер қажетті көмекті көрсетіп жатыр.
