Оңтүстік Корея үкіметі Украинадағы дипломатиялық қызметкерлерінің бір бөлігін кері шақыру туралы шешім қабылдады. Бұл туралы Yonhap агенттігі хабарлады, деп жазады Ozgeris.info.
Бұған дейін, 8 қазанда, Оңтүстік Корея Сыртқы істер министрлігі Украинадағы елшісін кері шақыру туралы шешім қабылдаған болатын. Ведомство туындаған мәселелерді шешу үшін Украина тарапымен сындарлы диалогты жалғастыруға дайын екенін мәлімдеді.
25 қыркүйекте Оңтүстік Корея президенті Ли Чжэ Мён Украина президенті Владимир Зеленскийді Солтүстік Кореядан келген әскери тұтқындарды Сеулге беру туралы ақпаратты жария еткені үшін сынға алған еді. Оның айтуынша, бұл мәліметтерді жария етпеген дұрыс болар еді.
Кейін Оңтүстік Корея Украинадан ресми түсініктеме беріп, кешірім сұрауды талап етті. Оңтүстік Корея әкімшілігінің өкілінің мәлімдеуінше, Киев әскери тұтқындарды беру мәселесін Сеулмен бірнеше арна арқылы талқылап, ақпаратты жария етпеуді өзі сұраған.
Ал Украина тарапы екі ел арасында ақпаратты құпия сақтау туралы келісім болмағанын мәлімдеді. Сондай-ақ Киевтің пікірінше, әскери тұтқындарды беру фактісін жасырған жағдайда халықаралық құқық талаптары бұзылуы мүмкін еді.
