Белгілі әзілкеш Асылбек Боранбаевтың өмірлік жары ерекше жазба жариялады, деп хабарлайды Ozgeris.info.
Ол отбасы болғандарына 32 жыл толғанын жазып, жүріп өткен жолдарын еске алды.
"32 жыл – бір шаңырақ астындағы бақытты ғұмыр.
Бүгін отбасы құрғанымызға 32 жыл толды. Осы жылдар ішінде қуанышымыз да, сынағымыз да бірге өтті. Бір-бірімізге тірек болып, сыйластық пен сенімді сақтап, берекелі шаңырағымызды бірге көтердік.
Аллаға сансыз шүкір, осындай ғұмыр сыйлағанына. Отбасымызға амандық, денсаулық, береке-бірлік, балаларымыз бен немерелеріміздің қызығын бірге көруді нәсіп етсін.
32 жыл – жай ғана сан емес, ол – махаббаттың, төзімнің, сыйластықтың және шынайы бақыттың белгісі. Осындай бақытты сәттеріміз көп болсын!", деп жазды ол.
