Қазақстан Президенті Жоғарғы Сот төрағасы Асламбек Мерғалиевті қабылдап, сот жүйесінің былтырғы қорытындылары мен алдағы жоспарлары туралы тыңдады деп жазады Оzgeris.info сайты Ақорда-ға сілтемемен.
Асламбек Мерғалиев сот төрелігінің сапасы тұрақты сақталғанын, жоғары тұрған соттар сот актілерінің 98,8%-ын өзгертпегенін атап өтті. Сондай-ақ:Мемлекеттік органдармен дауларда азаматтардың құқықтары қорғалып, 4,5 мың заңсыз акт анықталған.Татуластыру рәсімдері азаматтық істерде – 45,9%, әкімшілік істерде – 11,8% қолданылған.Әкімшілік құқық бұзушылық істерінің саны 500 мыңнан 441 мыңға дейін азайған.Рақымшылық арқылы 583 адам жазадан босатылып, 9,2 мың адамның жаза мерзімі қысқартылған.Қамауға алмаудың орнына үй қамағы екі есе жиі қолданылып, электронды браслет кеңінен пайдаланылған.Кассациялық сотқа сұраныс артқан: 6 айда 16,2 мың арыз-шағым түскен, ал түзетілген істердің үлесі айтарлықтай өскен.
Ұлттық статистика бюросының мәліметіне сәйкес, соңғы 3 жылда сот жүйесіне сенім 55,2%-дан 63,2%-ға дейін өскен.
Президент әділ сот төрелігін қамтамасыз етудің, заң үстемдігін орнатудың және қоғамның сотқа сенімін арттырудың маңызын атап өтті.
