Астанадағы сауда және ойын-сауық орталығының ішінде тек іш киіммен жүгіріп, плакат ұстап жүрген ер адам әкімшілік қамауға алынды деп мәлімдейді Ozgeris.info сайты Ішкі істер министрлігінің баспасөз қызметіне сілтемемен.
Әлеуметтік желілерде тараған бейнежазбада ер адамның жартылай жалаңаш күйде келушілердің көзінше айқайлап, плакат көтеріп жүгіріп жүргені байқалады. Оның бұл әрекеті қоғамдық тәртіпті бұзған.
Полиция қызметкерлері бейнежазбадағы тұлғаны анықтап, 26 жастағы ер адамды ұстаған. Оған қатысты әкімшілік құқықбұзушылық туралы хаттама толтырылып, сот шешімімен 15 тәулікке әкімшілік қамауға алу жазасы тағайындалды.
