Қазіргі таңда интернет – тек ақпарат іздейтін орын емес, ол – адамдар арасындағы байланыс, пікір алмасу, тіпті өмір сүру кеңістігіне айналды. Әлеуметтік желілерде, мессенджерлерде, түрлі платформаларда біз күн сайын жүздеген адаммен байланысамыз. Осындай ортада әр адамның желідегі тәртібі мен мәдениеті маңызды рөл атқарады.
Цифрлық желідегі тазалық – бұл жай ғана балағат сөздер жазбау немесе жалған ақпарат таратпау емес. Бұл – өз ойыңды сыпайы жеткізу, өзгеге құрметпен қарау, ар-намысқа тиюден аулақ болу. Кез келген пікірдің артында адам тұрғанын ұмытпау қажет.
Сонымен қатар, фейк ақпаратпен күрес те – желідегі тазалықтың бір бөлігі. Рас-өтірігі аралас контентке сене салмай, әрбір деректі тексеріп барып тарату – саналы азаматтың міндеті.
Балалар мен жасөспірімдер де интернет кеңістігінде жүр. Сондықтан үлкендердің үлгісі маңызды. Егер біз желіде мәдениеттілік пен жауапкершілікті сақтай алсақ, келер ұрпақ та осы тәртіппен өседі.
Цифрлық тазалық – бұл интернетті барлығымыз үшін қауіпсіз, жайлы әрі пайдалы ортаға айналдыру жолы. Желіде де тәртіп, әдеп, жауапкершілік болуы керек.
