Астана-Петропавл тасжолында «Нива» және «Ауди» маркалы автокөліктерінің қатысуымен жол-көлік оқиғасы орын алды, деп хабарлайды Ozgeris.info.
Жол апаты салдарынан «Нива» автокөлігінің үш жолаушысы мен «Ауди» автокөлігінің екі жолаушысы түрлі дене жарақаттарымен медициналық мекемеге жеткізілді.
Жол-көлік оқиғасына кінәлі жүргізушіге қатысты Қазақстан Республикасының Әкімшілік құқық бұзушылық туралы кодексінің 610-бабы бойынша әкімшілік хаттама толтырылды.
Полиция департаменті барлық жүргізушілерді жол қозғалысы ережелерін қатаң сақтауға, жылдамдық режимін асырмауға және жолда барынша мұқият болуға шақырады.
