Қазақстан ұлттық құрамасы қараша айында өтетін УЕФА Ұлттар лигасының кездесулеріне дайындық аясында жастар құрамасымен жолдастық матч өткізеді, деп хабарлайды Ozgeris.info
Amanvibe.kz порталының ақпаратына сүйенсек, 8 қараша күні Түркістан қаласында бас бапкер Джон ван ’т Схип жетекшілік ететін ұлттық құрама Қазақстанның жастар құрамасымен кездеседі. Ойын жабық режимде өтеді.
Ұлттық құраманың алдағы матчтарға дайындығы 5 қарашада басталады. Осы күні футболшылар Түркістан қаласына жиналып, оқу-жаттығу жиынына кіріседі.
Ал Қазақстанның жастар құрамасы Владимир Чебуриннің жетекшілігімен Шымкент қаласында оқу-жаттығу жиынын өткізеді.
Айта кетейік, ұлттық құраманың жастар командасымен өткізетін бұл кездесуі бапкерлер штабына футболшылардың қазіргі дайындығын бағалап, алдағы ресми ойындарға тактикалық тұрғыдан әзірленуге мүмкіндік береді.
