Павлодар облысында жеке тұрғын үйде өрт шықты, нәтижесінде 6 адам қаза тауып, бір адам аман қалды, деп хабарлайды ozgeris.info сайты Tengrinews.kz сайтына сілтемемен.
Өрт Экибастұзға жақын, Күншуақ поселкесінен 7 км қашықтықтағы шаруашылық үйінде шыққан. Аман қалған адам ауруханаға жеткізілді.
Павлодар облысының ТЖД мәліметінше, өрт туралы хабар 9 қазан күні сағат 06:34 түскен. Оқиға орнына дереу ТЖД күштері жіберілген.Өрттің салдарынан үйдің шатыр бөлігі жартылай құлаған, ал жалын көршілес шаруашылық ғимараттарына тарап, жалпы 920 шаршы метр аумақты қамтыған.
«Өрт шыққан кезде үйде 7 адам болған. Олардың бірі, 1972 жылы туған ер адам, өрттен өздігінен шығып кетті. Бригада оны медициналық мекемеге жеткізді. Қалған алты адамның мәйіттері оқиға орнында табылды», – дейді ТЖД баспасөз қызметі.
Өртті сөндіру кезінде 8 дана 27 литрлік газ баллоны қауіпсіз жерге шығарылған. Жалпы оқиға орнында 30 қызметкер және 10 техника бірлігі жұмылдырылды.Қаза тапқандардың жеке басы анықталып жатыр, ал тергеу органдары оқиғаның барлық мән-жайын анықтауға кірісті.
