Қазақтың кино өнерінің абызы Асанәлі Әшімовтің жары Сәкен Майғазиевтің үйіне ауызашарға барып, жары жайлы біраз әңгіме өрбітті, деп хабарлайды ozgeris.info сайты.
Ол марқұм Асанәлі Әшімовпен бірге өткізген саналы ғұмырын есіне алып, жылап қалды.
"Ескінің салтымен басыңыз ағарсын деп, жұбатайын деп, ағаңыз кетсе де ортадан қалдырмай шақырғаныңызға рахмет. Осы отырған Асекеңнің көзін көрген кісілер. Сағынышым әлі басыла қойған жоқ. Мен бақытты ғұмыр кештім. Жаманның қасында жүргенше, жақсының аяғында жат дейді. 23 жыл 1 ай 3 күнім менің қалған өміріме азық, жол салып кетті. Асекең 70-ке толғанда сол кісі жұтқан ауаны жұтсам ризамын деп етегінен ұстаған едім. Өзі елдің еркесі, халықтың абысы болып, өзі жас балаларға ананың орнын алып беріп кетті. Өле-өлгенше Асекеңнің әруағының алдында, оның көзін көрген бар халықтың алдында қызмет етемін. Артында қалған мұрасын орнында ұстап отырамын", - деді Бағдат Әшімова.
Ол Сәкен Майғазиевке ақ батасын беріп, ризашылығын білдірді.
Желі қолданушылары жарының парасаттылығына тәнті болды.
"Марқұм Абыз ағамыздың жұбайы да парасатты, көргенді , көркіне ақылы сай екен", "Не деген керемет тілек", "Сөйлеуін енді естуім, өте керемет жақсы сөйледі. Алла ұзақ өмір берсін!!", "Бағдат апамыз өте ақылды кісі екен, Алла разы болсын", - деп жазды оқырмандар.
