Қазақстанның халық әртісі Димаш Құдайберген Анкарада өткен түркі әлемі өнерпаздарының концертінде өнер көрсетті. Мәдени кешті Қазақстан президенті Қасым-Жомарт Тоқаев пен Түркі мемлекеттері ұйымына мүше елдердің басшылары тамашалады,деп хабарлайды Ozgeris.info.
Концерт бағдарламасына түркі халықтарының таңдаулы шығармалары енді. Оларды «Түркі әлемі» ансамблі мен Түркияның Президенттік симфониялық оркестрі орындады. Сондай-ақ көрермендерге түркі халықтарының дәстүрлі билері ұсынылды.
Кеште Димаш Құдайбергенмен бірге түркиялық танымал әнші Кырач та өнер көрсетті.
