Алматылық жүргізушілерге ҰҚШҰ отырыстарына байланысты жолдарда шектеулер болуы мүмкін екені ескертілді

Алматы полициясы ҰҚШҰ отырыстары кезінде жолдарда мүмкін болатын шектеулер туралы хабарлады. 30 мамыр мен 6 маусым аралығында мегаполисте бірнеше халықаралық іс-шаралар өтеді: 30-31 мамыр - ҰҚШҰ-ға мүше мемлекеттер қорғаныс министрлері кеңесінің отырысы. 2-3 маусым - ҰҚШҰ парламенттік ассамблеясы кеңесінің отырысы. 5-6 маусым - ҰҚШҰ Қауіпсіздік кеңестері хатшылары комитетінің отырысы.

"Осыған байланысты, іс-шаралардың ауқымын, қатысушылар мен қонақтардың санын ескере отырып, Алматы қалалық полиция департаменті жол қозғалысының жартылай шектелуі туралы хабарлайды. Айта кету керек, жол шектеулері қоғамдық көлік қозғалысына әсер етпейді ", - делінген полиция хабарламасында.

Қала тұрғындарынан уақытша шараларға түсіністікпен қарауды және қозғалыс бағытын алдын ала түзетуді сұрайды.