Жаңалықтар

Алматыдан Павлодарға шыққан пойыз джиптің кесірінен 16 минут тоқтап тұрған

Алматыдан Павлодарға шыққан пойыз джиптің кесірінен 16 минут тоқтап тұрған

13.03.2025

316

Бөлісу
Медеу-Жетісу аралығында джип көлігі рельске қысылып қалып, жолаушылар пойызының жолын бөгеген. Бұл туралы "Қазақстан темір жолы" ұлттық компаниясы хабарлады, деп хабарлайды ozgeris.info сайты.
"12 наурызда сағат 15:46-да Алматы-2 – Павлодар бағыты бойынша келе жатқан жолаушылар пойызының машинисі темір жолға белгіленбеген жерден шығып, рельстер арасында қысылып қалған Toyota Land Cruiser маркалы автокөлігінің кесірінен шұғыл тежеуді қолдануға мәжбүр болды.  Өтіп бара жатқан теміржолшылар жедел түрде жол талғамайтын көлікті қауіпсіз жерге сүйреп апарды, содан кейін жүргізуші оқиға орнынан қашып кетті. Оқиға салдарынан пойыз 16 минутқа кідірді", – деп хабарлады ұлттық компанияның баспасөз қызметі.
Аталмыш оқиға бойынша тергеу амалдары жүргізіліп жатыр. Компания таратқан ақпаратқа сүйенсек, жыл басынан бері теміржол өткелдерінде автокөлік құралдары жүргізушілерінің жол қозғалысы ережелерін бұзуына байланысты 4 жол-көлік оқиғасы тіркелген. Ал былтыр теміржол өткелдерінде осындай 26 оқиға болған.
Барлық жаңалық