Үкімет отырысында экология және табиғи ресурстар министрі Ерлан Нысанбаев ел аумағының 71%-ында қар жатқанын хабарлады. Еліміздің оңтүстігінде: Қызылорда, Түркістан және Жамбыл облыстарында, батысында: Батыс Қазақстан, Атырау және Маңғыстау облыстарында қар еріп жатыр, деп хабарлайды ҚР Үкіметінің Telegram-каналы.
Ол 11 наурыздағы жағдай бойынша қар астында жатқан аумақ 71%-ды құрайтынын, дегенмен бұл өткен аптаға қарағанда 15%-ға аз екенін атап өтті.
«Наурыз айында температура көтеріліп, жауын-шашын көп болса еріген қар суынан тау өзендерінде тасқын жүруі мүмкін. Орталық, солтүстік және шығыс аймақтарда қар қалың, наурыз айында жауын-шашын мөлшері айлық нормадан екі және одан да көп түседі деп күтіліп отыр. Мысалы, Астанада бірінші онкүндіктің өзінде айлық жауын-шашын мөлшері түсті», — деп атап өтті Ерлан Нысанбаев.
Су тасқыны қаупі жоғары өңірлердің қатарында: Ақтөбе, Қостанай, Қарағанды, Ақмола, Солтүстік Қазақстан, Шығыс Қазақстан облыстары және Ұлытау және Абай облыстары бар.
Қауіптілігі орташа өңірлер: Алматы, Жетісу, Жамбыл, Батыс Қазақстан және Атырау облыстары.
Тасқын қаупі төмен өңірлер: Павлодар, Маңғыстау, Түркістан және Қызылорда облыстары.
«Биыл Қазгидромет алғаш рет әр облыс бойынша егжей-тегжейлі анықтамалар дайындады. Бұл анықтамаларда гидрологиялық бекеттер бойынша су деңгейінің және ағысының күтілетін ең жоғары мәндері, ағын көлемі және сондай-ақ қауіп аймағында орналасқан елді мекендерді көрсете отырып, болжамды басталу күндері көрсетіледі. Сондай-ақ өткен аптадан бастап Қазгидромет апта сайынғы гидрологиялық болжамдарды шығара бастады. Гидрометеорологиялық жағдай күрт өзгеретін болса «Қазгидромет» ескертулерді 2-3 тәулік бұрын хабарлайды», — деп атап өтті Ерлан Нысанбаев.
Ұлытау ауданының Қаракеңгір және Сарыкеңгір өзенінің арнасы, Малшыбай, Бозтұмсық, Қорғасын ауылдары, Қараторғай өзенінің арнасын Қостанай облысының шекарасына дейін аралап, Кененбай және Қарсақпай бөгеттерінің жай-күйіне тексеру жүргізілді.
Еліміздің әртүрлі өңірлерінде су басу қаупін азайтуға бағытталған алдын алу және инженерлік жұмыстар белсенді жүргізілуде. Оларды қорғау үшін 590 км қорғаныс бөгендері мен біліктері тұрғызылды, 822 км дренаж жүйелері, каналдар мен арықтар жөнделіп салынды. Автомобиль және теміржол қатынастарында 960 су өткізу құрылысы орнатылып, ауыстырылды. 74 өзеннің қауіпті учаскелерінде 500 км жуық түбін тереңдету, жағалауды нығайту және арналарды тазарту жұмыстары жүргізілді. Зардап шеккендерді қабылдаудың 3,5 мыңнан астам пунктідайындалды, броньнан босатылған жағдайда тіршілікті қамтамасыз ету құралдары мен мемлекеттік материалдық резерв техникасы айқындалды. Осы шаралардың барлығы халықтың қауіпсіздігін арттыруға және ықтимал су тасқынынан болатын залалды барынша азайтуға бағытталған.
Қазақстан Республикасы Төтенше жағдайлар министрлігі Төтенше жағдайлардың алдын алу комитетінің төрағасы Серік Жүнісбеков 2025 жылғы су тасқыны кезеңіне дайындықты бағалау мақсатында еліміздің бірқатар өңіріне жұмыс сапарымен барды. Сапар барысында негізгі гидротехникалық құрылыстар, оның ішінде қорғаныш бөгеттері, су қоймалары және басқа да инфрақұрылымдық құрылыстар қаралды, сондай-ақ жергілікті азаматтық қорғау қызметтерінің дайындығы бағаланды.
Қостанай облысына жұмыс сапары барысында былтыр оны еріген қар суы салдарынан су басқан Арқалық қаласына барды, онда жаңа нөсерлі кәріз желілері салынған, су өткізу құбырлары төселген және қорғаныш құрылыстары нығайтылды. Жұмыс сапарымен Науырзым, Жангелді және Амангелді аудандарына да барды. Бұл өңірлерде су басу қаупі бар бірнеше елді мекен бар, сондықтан бөгендерді нығайту, дренажды каналдарды тазарту және өзендердегі мұзды өткізуге дайындық бойынша инженерлік жұмыстарға ерекше назар аударылды. Аудан әкімдерімен, Қазсушар, Қазгидромет, облыстың бассейндік инспекциясы филиалдарының басшыларымен жұмыс кеңестері өткізілді, онда су тасқыны қауіп-қатерлерін азайту, жедел мониторинг жүргізу және ықтимал төтенше жағдайларға ден қою мәселелері талқыланды, мынадай ұсынымдар берілді: елді мекендерден қар шығару бойынша жұмыстарды жандандыру, су қоймасына судың келуі мен оны ағызу бойынша есептерді бірлесіп зерделеу, ол өз кезегінде су тасқыны кезеңінің қауіпсіз өтуіне әсер етеді. Сапар қорытындысы бойынша облыс әкімімен жұмыс кездесуі өтті, онда өңірдегі су тасқыны қауіпсіздігін қамтамасыз етудің ағымдағы мәселелері талқыланды.
Солтүстік Қазақстан облысында комитет төрағасы Шал ақын ауданы Сергеевка қаласындағы Сергеев су торабына барып, «Қызылжар Су» ЖШС-нің бірінші көтергіш сорғы станциясын және Ущева көшесі мен Кожевенный зауыты кентінің бойындағы нығайтылған бөгеттерді аралады. Сонымен қатар Петропавл су торабының жанында айналма канал салу жұмыстары қаралды. Тайынша ауданында ол аудандық шұғыл ден қою жасағының дайындығын және ықтимал су басудың алдын алу үшін инертті материалдар қорының болуын тексерді. Облыс әкімінің төрағалығымен өткен кеңеске қатысып, оның барысында болжамды қызметтердің, «Қазсушар» РМК Ақмола бөлімшесінің, Тайынша, Ақжар, Уәлиханов және Аққайың аудандары әкімдерінің алдағы су тасқынына дайындық бойынша жүргізілген жұмыстар туралы баяндамалары тыңдалды.
Ұлытау облысына сапар барысында Жезқазған, Қаражал қалаларына, Жаңаарқа және Ұлытау аудандарына барып, Жезді өзенінің арнасында жүргізілген су тасқынына қарсы іс-шаралар, Қылыш гидротехникалық құрылысы, қоршалған бөген (шаруашылық әдіс) тексеріліп, Ақтай шағын ауданындағы су тасқыны қаупі баға берілді, гидротехникалық құрылыстар қаралды, онда қорғаныш бөгеттеріне күшейту, қорғаныш біліктерін нығайту және ұлғайту, Атасу өзенінің арнасын өсімдіктерден тазарту, сондай-ақ елді мекендерден қар шығару бойынша жұмыстарды жандандыру бойынша ұсынымдар берілді.
Жаңаарқа ауданының әкімімен бірге Ақшағат ауылында қоршалған бөген қаралып, су тасқыны қаупіне баға берілді, оның барысында елді мекендерден қар шығару жұмыстарын жандандыру және шаруашылық тәсілмен орындалған қоршалған бөгенді нығайту жөнінде қосымша шаралар жүргізу ұсынылды. Ұлытау ауданының Жезді кентінде су тасқыны қаупін бағалау, Жезді өзенінің жағалауын нығайту жұмыстарын тексеру жүзеге асырылды. Талдысай қоршалған бөгеніне тексеру жүргізілді, сондай-ақ Талдысай өзенінің арнасын тазалау жұмыстарын тексеру кезінде өзен арнасын көпірден елді мекеннің соңына дейін нығайту, елді мекеннен қар шығару бойынша жұмысты жандандыру, тәулік бойы жұмыс істейтін арнайы техниканың болуы бойынша ұсынымдар берілді.
Ұлытау ауданының әкімімен бірлесіп ауданның шұғыл әрекет ету жиынтық жасағының дайындығын тексерді.
Қызылорда облысында комитет төрағасы Сырдария өзенінің бойындағы су тораптарының, жағалау бөгенінің және су төгу құрылғылардың жұмысымен танысты. Су ресурстары және ирригация министрлігі Су ресурстарын реттеу, қорғау және пайдалану комитетінің төрағасы С. С. Нұрымбетовпен бірлесіп Сырдария өзенінің төменгі ағысында орналасқан С. Арыстанбаев атындағы Қызылорда су торабының, қауіпті учаске болып табылатын «КОПЭС» саяжайының, «Қараөзек» су алабы мен «Әйтек» су торабының құрылысының жұмыс жағдайлары, сондай-ақ Сырдария өзеніндегі мұз қату жағдайы қаралды. Өз кезегінде су тасқыны кезеңінің қауіпсіз өтуіне әсер ететін су қоймаларынан судың келуі мен ағуы бойынша болжамды есептеулерді зерделеу, сондай-ақ Сырдария өзені бойынша мұзды қауіпсіз сүйемелдеу бойынша ұсынымдар берілді.
Түркістан облысында Түркістан және Кентау қалаларындағы су тасқынына қарсы жұмыстар, сондай-ақ Ордабасы, Төлеби және Қазығұрт аудандарындағы су қоймалары мен гидротехникалық құрылыстардың жұмысы қаралды. Шардара су қоймасы және Көксарай қарсы реттегіші сияқты өңірдегі ең ірі су объектілерінің жағдайына ерекше назар аударылды. Түркістан қаласында Шаға кентінің су тасқыны қауіпті учаскелерін аралады («Шаға» бұру арнасын тексеру). Кентау қаласында «Қосқорған» су қоймасы, Сауран ауданының Хантағы мен Бабайқорған ауылдарында су тасқынына қарсы іс-шаралар тексерілді, Ордабасы ауданының Бөген ауылында Бөген су қоймасы тексерілді, Ордабасы ауданының Қараспан ауылындағы Қараспан су торабында жүргізілген жөндеу жұмыстарымен танысты, Төлеби ауданының Сұлтан Рабат ауылында «Гуляй поля» арнасы мен «Қошқарата» тоғанның жай-күйі тексерілді, Абай ауылы мен Арыс қаласында «Қабылсай» бұрма каналын және Ақдала ауылындағы жағалауды нығайту жұмыстары тексерілді. Сонымен қатар Көксарай су реттегіші мен Шардара қаласындағы «Шардара» су қоймасының, Сарыағаш ауданының Дархан ауылындағы «Дархан» су электр станциясы мен Келес өзенінің жай-күйі де тексерілді, онда су тасқыны қаупіне бағалау жүргізілді. Қалалардың, аудандардың әкімдерімен және «Қазсушар» РМК, «Тұран-су» ШЖҚ МКК өкілдерімен кездесулер мен кеңестер өткізілді, қорғаныш бөгендерін күшейту, елді мекендерге жақын қорғаныш біліктерін нығайту және ұлғайту жолымен су тасқыны қаупін азайту бойынша ұсынымдар берілді.
Шымкент қаласында су тасқынынан қауіпсіз өтуге дайындық бағаланды. Шымкент қаласы әкімінің орынбасарымен кездесу өтті. Қалада 8 гидротехникалық құрылыс жұмыс істейді, оның 7-еуі қанағаттанарлық жағдайда. Ақжар су қоймасы қанағаттанарлықсыз деп танылды, онда құлақтандыру жүйесін орнатумен күрделі жөндеу көзделген. Сапар барысында Тәуелсіздіктің 20 жылдығы, Игілік және Қызылжар елді мекендеріндегі Бадам өзенінде аяқталған жағалауды нығайту жұмыстары да қаралды.
Әл-Фараби ауданында ұзындығы 3 км болатын Бадам өзенінің арнасында қамыс пен ағаштардың суға толуы тексерілді. Тұран ауданында Ақжар су қоймасымен, Еңбекші ауданында Бадам су қоймасымен танысып, учаскедегі су тасқыны қаупі бағаланды.
Жамбыл облысында су тасқынының алдын алу шараларының орындалу барысымен танысты. Жуалы, Байзақ, Меркі, Қордай, Мойынқұм, Шу және Т.Рысқұлов аудандарына барып, каналдар мен өзендердегі механикалық тазарту жұмыстарын қарады, сондай-ақ бөгеттер салу және жағалау сызықтарын нығайту бойынша жұмыстармен танысты. Су тасқынынан қорғау жүйесінде шешуші рөл атқаратын бірқатар көпірлер мен су қоймаларының жай-күйімен танысты. Бұдан басқа облыс әкімімен кездесу өтті, оның барысында су тасқыны қауіпсіздігін қамтамасыз етудің ағымдағы мәселелері талқыланды, сондай-ақ көктемгі су тасқыны кезеңіне дайындық шеңберінде бірлесіп шешілетін міндеттер белгіленді.
Қазақстан ТЖМ ТЖ алдын алу комитетінің төрағасы су тасқыны кезінде қауіпсіздікті қамтамасыз етудің, гидротехникалық объектілерді нығайтуды жалғастырудың және халық үшін тәуекелдерді болдырмаудың маңыздылығын атап өтті. Ол ықтимал төтенше жағдайлардың алдын алу үшін гидротехникалық құрылыстардың жай-күйіне тұрақты бақылауды сақтау қажет екенін атап өтті.
Алматы облысында су тасқыны қауіпті учаскелерге аэровизуалды тексеру жүргізілді. Бағыт Бартоғай су қоймасы, Ақтоған ауылы, Масақ ауылы, Іле өзенінің 164-ші км, сондай-ақ Бақанас, Бақбақты және Жиделі елді мекендерін қоса алғанда, Еңбекшіқазақ және Балқаш аудандарының су тасқыны қаупі бар учаскелері арқылы өтті. Мүдделі органдардың өкілдерімен бірлесіп өзендерге, су қоймаларына және қар жамылғысына аэровизуалды тексеру жүргізілді. Мониторинг нәтижелері бойынша су объектілерінің жай-күйіне және қар қорының деңгейіне баға берілді, сондай-ақ су тасқыны кезеңінің қауіпсіз өтуін қамтамасыз етуге бағытталған мемлекеттік органдар үшін ұсынымдар әзірленді. Департамент алдын алу шараларын қабылдауды жалғастыруда және гидрологиялық жағдайдың өзгеруіне жедел ден қоя отырып, жағдайды бақылауда ұстайды.
Ақтөбе облысында көктемгі су тасқынына дайындық жұмыстары қарқынды жүргізілуде. Жүйелерді қардан тазарту жұмыстары облыс көлемінде және қаланың барлық аудандарында жүргізілуде. Су тасқынының алдын алу мақсатында ТЖМ құтқарушылары, 20982 әскери бөлімінің, 30238 әскери бөлімінің қызметкерлері және Әуе қорғанысы күштері Әскери институтының курсанттары «Алтын Орда» шағын ауданында каналдарды, нөсер және су өткізу құбырларын қардан тазарту жұмыстарын жүргізді. Барлығы 1,5 м тереңдікте 3 км қар тазартылды. Сондай-ақ Елек өзеніндегі мұз кептелістерін алдын ала жоюдың алдын алу мақсатында демалыс орындары орналасқан ауданда мұз кептелістерін алдын ала жою бойынша жарылыс жұмыстары жүргізілді. Нәтижесінде өзен арнасында жарылғыш заттардың көмегімен 5 мың шаршы метр аумақта жарылыс жұмыстары жүргізілді. Бүкіл қала бойынша ұзындығы 55 км асатын ашық және жабық суағар жүйелері бар.
Шығыс Қазақстан облысының Шемонаиха ауданында Үбі өзенінде су тасқынына қарсы іс-шаралар кешені аясында ТЖД құтқарушылары мен жергілікті атқарушы органдардың қызметкерлері «Мұзды жару бойынша» операциялар жүргізді. Жоспарлы жарылыстар өзендер тарылатын немесе арналары күрт өзгеретін жерлерде күркіреді. Сонымен қатар тіректерге қысымды азайту үшін көпірлер аймағында мұзды ұсақтау жүргізілді. Мұз бетін бөлшектеу арқылы мамандар мұз кептелістерінің пайда болуына жол бермейді. Жұмыстың жалпы ауданы 10620 шаршы метрді құрады.
Жетісу облысының аумағында су тасқыны жағдайы тұрақты, алдын алу шаралары жалғасуда. «Қазгидромет» РМК деректеріне сәйкес қар жамылғысының деңгейі мен топырақтың ылғалдылығы былтырғы көрсеткіштерден асып түседі, бұл жоғары бақылауды қажет етеді. «Қазгидромет» алдын ала болжамы бойынша су басу қаупі жоғары аймақтарға Алакөл, Ескелді, Кербұлақ және Көксу аудандары жатады. Орташа қауіпті аудандарға – Панфилов және Сарқан, төмен тәуекелге – Талдықорған, Қаратал және Ақсу аудандары.
Су тасқыны кезеңіне дайындық мақсатында 17 км су бұру каналдары, 10,6 км өзен арналары, 4,7 км каналдар тазартылды және тереңдетілді, 400 м қорғаныс бөгеттері жөнделді және салынды, 3892 км арықтар, 823 км каналдар, 3195 су өткізу құрылыстары тазартылды. 1563 құтқарушы, 415 бірлік техника, 189 мотопомпалар, 28 жүзу құралдары дайындыққа келтірілді. 136 мың қапшық, 16 мың тонна инертті материалдар, 112,5 тонна ЖЖМ қоры қалыптастырылды. Эвакуациялық пункттер дайындалды. Су тасқыны қаупі бар 47 елді мекеннің 44-і су басу қаупін азайтуға мүмкіндік туды. Малайсары, Қоңырөлең, Сұптай үш ауылында жұмыстар жалғасуда.
«Қазгидромет» биыл алғаш рет әр өңір бойынша жан-жақты толық ақпарат жариялады. Онда тәуекел аймағындағы нақты елді мекендерді көрсете отырып, судың ең жоғары деңгейі мен ағын жылдамдығын, гидрологиялық бекеттердегі ағын көлемі және тасқынның болжалды басталу мерзімі көрсетіледі. Сондай-ақ өткен аптадан бастап «Қазгидромет» апта сайынғы гидрологиялық болжамдарды бере бастады. Гидрометеорологиялық ахуал күрт өзгерген жағдайда «Қазгидромет» ол туралы 2-3 тәулік ішінде дабылды ескертумен хабардар етеді.
Жауын-шашын
Синоптиктердің мәліметінше, жауын-шашын мөлшерінің нормадан асып түсуі негізінен шығыста (ШҚО және Абай облысы), оңтүстік-шығыста (Жетісу облысы), батыста (Атырау, Маңғыстау облыстарының басым бөлігі және Ақтөбе облысының батысы), орталықта (Қарағанды облысының орталық бөлігі) және солтүстікте (Ақмола және Солтүстік Қазақстан облыстарының басым бөлігі, Қостанай облысының шығыс бөлігі), сондай-ақ Ұлытау және Қызылорда облыстарының орталық бөлігінде байқалды.
Жауын-шашын мөлшері нормаға жуық Ұлытау және Павлодар облыстарының басым бөлігінде, Батыс Қазақстан облысының орталық бөлігінде, Ақтөбе және Қызылорда облыстарының көп бөлігінде тіркелді. Батыс Қазақстан, Түркістан, Жамбыл және Алматы облыстарының көп бөлігінде жауын-шашын нормадан төмен болды.
Күзгі ылғалдану
Синоптиктердің мәліметінше, топырақтың күзгі ылғалдануы нормадан жоғары Қызылорда, Түркістан, Жамбыл, Алматы, Қарағанды, Ақмола, Маңғыстау, Павлодар облыстарында, сондай-ақ Ұлытау, Жетісу және Абай облыстарының көп бөлігінде байқалды. Норма шегінде – Ақтөбе және Шығыс Қазақстан облыстарының басым бөлігінде.
Нормадан төмен – Атырау облысының батысында, Солтүстік Қазақстан облысының басым бөлігінде, Ақтөбе облысының солтүстік жартысында, Шығыс Қазақстан және Абай облыстарының солтүстігі мен оңтүстігінде, Батыс Қазақстан және Қостанай облыстарында, сондай-ақ Маңғыстау облысының оңтүстігінде тіркелді.
Топырақтың қатуы
Топырақтың қатуы елдің басым бөлігінде байқалады. Оңтүстік Қазақстанның кейбір елді мекендерінде жер әлі де еріген күйде, ал оңтүстік-шығыста топырақтың жоғарғы қабатының еруі басталды.
«Ең жоғары қату солтүстік-батыста, солтүстік-шығыста және елдің орталығында тіркелді: Қостанай, Ақмола және Павлодар облыстарында кей жерлерде 150 см-ден астам, Қарағанды облысында 143 см-ге дейін жеткен. Өткен жылы ең терең қату Павлодар облысында тіркеліп, 218 см-ге дейін жеткен», – деп хабарлады «Қазгидромет» РМК.
Айта кетейік, топырақтың қатуы жалғасып жатыр және ол температуралық фон мен қар қабатының қалыңдығына байланысты болады. Топырақтың қату тереңдігі әдетте ақпан-наурыз айларында ең жоғары деңгейге жетеді.
Синоптиктердің наурыз және сәуір айларына болжамы
Консультативтік ауа райы болжамына сәйкес, 2025 жылдың наурызы жылы және жауын-шашынды болады деп күтілуде. Ауа температурасы республиканың бүкіл аумағында нормадан 2° жоғары болады деп болжануда.
«Жауын-шашын мөлшері республиканың басым бөлігінде нормадан жоғары, норма шамасында – елдің оңтүстік-батыс жартысында (Маңғыстау облысы, Қызылорда облысының көп бөлігі, Түркістан облысы, Ақтөбе облысының оңтүстігі, Ұлытау облысының оңтүстік-батысы, Жамбыл облысының солтүстік-батысы)», – деп хабарлады «Қазгидромет» РМК.
Наурыздың екінші онкүндігінде ауа температурасының ауытқуы күтіледі:
- Солтүстік жартысында түнде -10-15°С-тан -5+3°С-қа дейін, күндіз -2-13°С-тан +2+10°С-қа дейін;
- Оңтүстік жартысында түнде -5+5°С-тан +2+10°С-қа дейін, күндіз +3+8°С-тан +10+20°С-қа дейін.
Наурыздың үшінші онкүндігінде елдің басым бөлігінде түнгі температура -5+5°С-тан +5+10°С-қа дейін, күндіз +5+10°С-тан +10+20°С-қа дейін ауытқиды; солтүстікте және солтүстік-батыста түнде -5-15°С-тан 0,-8°С-қа дейін, күндіз 0,-5°С-тан +3+10°С-қа дейін болады.
Сәуір айында орташа айлық ауа температурасы республиканың бүкіл аумағында нормадан 1-2° жоғары болады деп күтілуде.
Сәуірдегі жауын-шашын мөлшері республиканың басым бөлігінде норма шамасында, нормадан жоғары – солтүстік-батыс жартысында, сондай-ақ республиканың оңтүстігі мен оңтүстік-шығысындағы тау және тау бөктері аймақтарында болжануда.
Бұл ретте Олжас Бектенов ТЖМ-ге су тасқынына толық дайын болуды және орталық және жергілікті мемлекеттік органдар жұмысын үйлестіруді тапсырды. Премьер-министр еліміздің солтүстігінде боран жүріп жатса, бірқатар өңірде қар ери бастағанын атап өтті.
«Су тасқыны кезеңінің басталуына да көп уақыт қалған жоқ. Әкімдер бұл мәселені ерекше бақылауға алуы қажет. Төтенше жағдай туралы халықты хабардар ететін барлық жүйенің тұрақты жұмысын қамтамасыз етіңіздер. Әлеуметтік желілер мен бұқаралық ақпарат құралдарында ақпараттық-түсіндіру жұмыстарын күшейту керек. Төтенше жағдайлар министрлігі су тасқынына толығымен дайын болуға тиіс. Сондай-ақ орталық және жергілікті мемлекеттік органдардың жұмысын үйлестіруді қамтамасыз етсін», — деді Олжас Бектенов.
Премьер-министрдің тапсырмасы шеңберінде Астанада өткен Су тасқынына қарсы шараларды үйлестіру жөніндегі республикалық штаб отырысынан кейін вице-премьер Қанат Бозымбаев Ұлытау облысына барды.
Ұлытау ауданының Қаракеңгір және Сарыкеңгір өзенінің арнасы, Малшыбай, Бозтұмсық, Қорғасын ауылдары, Қараторғай өзенінің арнасын Қостанай облысының шекарасына дейін аралап, Кененбай және Қарсақпай бөгеттерінің жай-күйіне тексеру жүргізілді.
Сондай-ақ вице-премьер Сарысу өзенінің бойында орналасқан Жыланды және Жаңабас елді мекендерін аралап, Кеңгір және Жезді су қоймаларында болды. Жезді өзені арнасының жағдайын тексерді, онда санация, арнаны тазарту және жағалауды нығайту (2 шақырым) жүргізілуде. Инспекция барысында Қанат Бозымбаев өзендегі барлық қажетті жұмысты аяқтап, Жезді ауылындағы қорғаныс бөгеттерін көтеруді тапсырды.
Ұлытау облысында барлығы 15,7 шақырым бөгет және 115 метр арық салынды. 5,8 шақырым канал, 1,3 шақырым арық және 281 бірлік су өткізу құрылыстары тазартылды. Талдысай өзенінің арнасы тазаланып, Жыланды ауылындағы Сарысу өзенінің жағалауын бекіту бойынша шаралар қабылданды.
Сонымен қатар өңір тасқын қаупі жоғары аймаққа жатады. Облыс аумағында су тасу қаупі бар 27 елді мекен бар, оның ішінде 11-інде су басу қаупі сақталып отыр. Осыған байланысты, Қанат Бозымбаев қарғын судың еш кедергісіз ағып кетуі үшін өзен арналарын, нөсер ағындары мен су бұру арналарын тазарту жөніндегі бригадаларды ұйымдастыруды, сондай-ақ су қоймаларынан су ағызуды реттеуді ерекше бақылауға алуды тапсырды.
Құтқару қызметтерінің күштері мен құралдарының жедел ден қоюға дайындығын, отын, азық-түлік және медициналық құралдар резервтерін дайындауды қамтамасыз ету тапсырылды. Сонымен бірге өңірде гидротехникалық құрылыстарға көпфакторлы тексеру жүргізіледі және қажет болған жағдайда оларды нығайту, жөндеу бойынша шаралар қабылданады.
Бұған қоса, қажет болған жағдайда адамдарды эвакуациялау және ойпатта орналасқан қыстаудан малды қауіпсіз жерге айдауды уақтылы жүргізу, Төтенше жаңдайлар министрлігіне – еліміздің оңтүстік өңірлерінен жеке құрамды жіберу және «Қазақмыс» корпорациясына су тасқынына қарсы жұмыстарға қажетті техника бөлуді қамтамасыз ету тапсырылды.