Жүргізуші куәлігін алу үшін автомектептен өту заңдылығы қайта оралды

ҚР ІІМ бұйрығы бойынша жүргізуші куәлігін алғанға дейін қазақстандықтар автомектепті бітіруі тиіс. Құжат 2024 жылдың 23 сәуірінде күшіне енеді. 2016 жылы Қазақстанда жүргізуші куәлігін алуға емтихан тапсырар алдында автомектептерде міндетті оқу тоқтатылған. Жүргізушілер өз бетінше дайындалып, арнайы ХҚКО - ға келіп, жүргізуші куәлігіне тапсыра алды. Алайда, бұл жағдай, ҚР Ішкі істер министрлігінің пікірінше, жүргізушілерді даярлау сапасының төмендеуіне және соның салдарынан жол қозғалысы ережелерін бұзу санының артуына ықпал етті. Осыған байланысты ведомство автомектептерде міндетті оқуын қайтаратын бұйрық әзірлеп, қабылдады.