🏛️ Саясат

Ұлттық экономика министрі Нұрлан Байбазаров қызметінен босатылды

Ұлттық экономика министрі Нұрлан Байбазаров қызметінен босатылды

21.12.2024

381

Бөлісу
Қасым-Жомарт Тоқаев ұлттық экономика министрі Нұрлан Байбазаровты қызметінен босатты, деп хабарлайды ozgeris.info тілшісі.
“Мемлекет басшысының Жарлығымен Нұрлан Серікұлы Байбазаров Қазақстан Республикасы Премьер-Министрінің орынбасары – Ұлттық экономика министрі лауазымынан босатылды”, – делінген Ақорда хабарламасында.
Нұрлан Байбазаров бұл лауазымға 2024 жылдың 6 ақпанында тағайындалған. Ол 1975 жылғы 10 қазанда туған. Қазақ мемлекеттік басқару академиясын бітірген. 1997-2003 жылдары қаржы министрлігінде жұмыс істеді. 2004 жылдан 2011 жылға дейін жобаларға агенттік қызмет көрсету басқармасының бастығы, инвестициялық жобалар жөніндегі басқарушы директор, корпоративтік даму департаментінің директоры, "Қазақстанның Даму Банкі" АҚ корпоративтік хатшысы лауазымдарын атқарды. 2013 жылдан 2016 жылға дейін ұлттық экономика министрлігінің экономика салаларын дамыту департаментін басқарды. Бұдан басқа, әр жылдары "Қазақстан темір жолы" ҰК" АҚ, "ҚазМұнайГаз Консалтинг" АҚ, "ҚазМұнайГаз" ҰК" АҚ жұмыс істеген. 2016 жылдан бастап 2022 жылғы қарашаға дейін "Өнеркәсіпті дамыту қоры" АҚ директорлар кеңесінің мүшесі және басқарма төрағасы болды. 2022 жылдың қараша айынан 2023 жылдың қазан айына дейін "Қазақстанның Даму Банкі" АҚ басқарма төрағасы болды. "Бәйтерек" ұлттық басқарушы холдингі" АҚ жалғыз акционерінің 2023 жылғы 05 қазандағы шешімімен холдингтің басқарма төрағасы қызметіне тағайындалды. 2023 жылғы 11 қазанда "Бәйтерек" ұлттық басқарушы холдингі" АҚ директорлар кеңесінің мүшесі болып сайланды. "Ерен еңбегі үшін" медалімен марапатталған.
Барлық жаңалық