Талғат Нәрікбаев: Шешуші тетік – сапалы кадрда

«Джин Коллинздың өзінің «Жақсылықтан ұлылыққа» атты еңбегінде барлық мәселелерді мықты кадр шешетінін атап өткен болатын. Жалпы біздің университеттің басты мақсаты – халыққа қызмет ету. Сол себепті қоғамға керек тұлғаларды дайындаймыз. Өйткені біз әрбір диплом алған түлекке жауаптымыз» , – деді М.С.Нәрікбаев атындағы КАЗГЮУ Университетінің Басқарма төрағасы Талғат Нәрікбаев.

М.С.Нәрікбаев атындағы КАЗГЮУ Университетінде «Дарындарды басқару – HR студенттерінің бірінші форумын» өтті. Форумға еліміздің 12 университеттерінен 100-ден аса болашақ HR мамандары қатысты. Форумның мақсаты – HR студенттерін қазақстандық университеттердің бағдарламаларымен, барлық соңғы өзгерістер, стандарттар және ережелерімен, осы саладағы жаһандық трендтермен және сын-қатерлермен таныстыру.