Қазақстанның халық әртісі Мақпал Жүнісова қызы Мерейдің бір жасқа толуына орай жасалған тойдан әлеуметтік желіде әсерлі видео жариялады деп жазады Оzgeris.info. Бейнежазбада әнші марқұм жұбайы, қоғам қайраткері Заманбек Нұрқаділовті биге шақырып, қуанышты көңіл күйде билеп жүрген сәті бейнеленген.
Бұл архивтік кадрлар көпшіліктің жүрегін елжіретіп, желі қолданушыларының қызу талқысына түсті. Оқырмандар мен тыңдармандар видеоны көріп, «Бұл Макпалдың ең бақытты, ең күшті кезеңдері еді», «Сағыныш пен жылылыққа толы сәттер» деген пікірлерін жарыса жазуда.
Көпшілік өнер иесінің өміріндегі осы бір шуақты шақтарды ерекше ықыласпен еске алып, әншінің сахнадағы ғана емес, өмірдегі де шынайы, табиғи болмысын жоғары бағалады.
