Паралимпиада ойындарының екі дүркін чемпионы Давид Дегтяревтің үйлену тойындағы кортеждің видеосы жарияланды, деп хабарлайды ozgeris.info тілшісі Azattyq Rýhy сайтына сілтеме жасап.
Интернетте пайда болған видеода Давид Дегтярев пен қалыңдығы көлік терезесінен саусақтарындағы неке сақиналарын көрсеткенін байқауға болады.
Жұрт жас жұбайларға бақыт тіледі.
«Қалыңдығы қандай сұлу», «Біздің Атбасардан шыққан жігіт! Бақытты бол!», «Бақыт пен ұзақ өмір тілеймін!», «Мықтысың, Давид. Егер біреу білмейтін болса, ол екі дүркін Паралимпиада чемпионы», «Жарайсың Давид! Ол өз тағдырын өзі жасады», - деп жазады комментаторлар.Атбасарлық пауэрлифтингші Давид Дегтярев Токиодағы Паралимпиададағы жеңісінен кейін алғаш рет бүкіл әлемді дүр сілкіндірді. Ал Франция төрінде ол жетістігін қайталап, параспорттан төртжылдықтың негізгі ойындарында екі рет жеңіске жеткен алғашқы қазақстандық атанды.
