Көптен күткен реванш: Алматыда NAIZA 67 турнирі өтті

Алматыда NAIZA 67 жекпе-жек турнирі өтті, деп хабарлайды Ozgeris.info. Кештің басты жекпе-жегінде қазақстандық Жасұлан Әкімжан (12-3) мен француздық Джейсон Понет (24-18-1) кездесті. 70 кг салмақ дәрежесінде бұл жауынгерлер арасындағы екінші жекпе-жек болды. Бірінші жекпе-жекте қазақстандық төрешілердің шешімімен жеңіліп қалған еді.  Бұл жолы үш раундқа есептелген жекпе-жек Жасұлан Әкімжанның (30-27, 29-28, 30-27) жеңісімен аяқталды. Жеңістен кейін ол алдымен «парсылық дағыстан» деген лақап атпен танымал Мұхаммед Хейбатиді (5-4) жекпе-жекке шақырды, содан кейін сахна сыртындағы сұхбатта ол келесі жекпе-жегін мұхиттың арғы жағында шетелдік лигаларда өткізгісі келетінін айтты.  Сондай-ақ 57 келі салмақта қазақстандық жауынгер Қазбек Сағын (6:0) бірауыздан төрешілер шешімімен, бразилиялық жауынгер Да Силвадан (13-4-1) басым түсті.  NAIZA 67 турнирінің өзге жекпе-жек нәтижелері:  Ботиржон Абдусамиев (1-0) Амантур Баибитовты (1-1) 1-раундта (1:30) қылқындыру әдісімен жеңді.  Бахтиёр Халилов (4-0) Батырхан Көшенді (1-1) 1-раундта (1:55) қылқындыру әдісімен ұтты.   Мухаммадали Кенжебаев (2-1) Бағдат Жұмабаевты (2-2) 2-раундта (2:18) қылқындыру әдісімен жеңді.  Бердібек Сиражов (4-1) Бишал Сахуды (4-3) 2-раундта (4:15) қылқындыру әдісімен ұтты.  Шыңғыс Қамал (4-0) Олим Тилаевты (2-4) 1-раундта (2:26) техникалық нокаутпен жеңді.  Валерий Гусаров (5-1) Акраман Алаевты (2-1) төрешілердің екі жақты шешімімен жеңді (28-29, 29-28, 29-28).  Ихтиёр Муртозаев (2-1) Бекжан Бакировты (0-1) төрешілердің бірауыз шешімімен жеңді.  Еділ Оразбек (6-3) Дильшод Исоковты (1-2) 1-раундта (0:45) қылқындыру әдісімен ұтты.  Асан Сұлтанов Абдурауф Рахмоновты (1-1) 1-раундта (1:50) техникалық нокаутпен жеңді.  Даулет Өсербай (4-1) Пахлаван Давудты (2-1) 1-раундта (1:44) қылқындыру әдісімен ұтты.