Енді әскерге шақыру қағазын іздеп, пошташыны күтудің қажеті жоқ. Қорғаныс министрлігі жаңа өзгеріс ұсынды. Сарбаз болуға шақырту SMS-пен келеді. Телефонға келген хабарламаның өзі ресми құжаттың күшімен тең болады, деп жазады Ozgeris.info.
Тағы бір ыңғайлы жақ – әскерге баруды кейінге қалдыруды онлайн жасауға болады. Бұрын құжат жинап, әскер бөлімшесіне барып әуре болса, енді бәрін eGov сияқты мемлекеттік қызмет арқылы рәсімдей аласыз.
Құжат қазір «Ашық НҚА» порталында тұр, 9 қыркүйекке дейін халық талқылайды. Қолдау тапса, жаңа ереже күшіне енеді.
Айта кетейік, Қазақстанда әскерге шақыру жылына екі рет өтеді: көктемде 1 наурыздан 30 маусымға дейін, күзде 1 қыркүйектен 31 желтоқсанға дейін.
