Жаңалықтар

"Басқа әнші сымақтар мән де бермес еді": Димаштың жалаушаға автограф қоюдан бас тартқан видеосы тарады (ВИДЕО)

"Басқа әнші сымақтар мән де бермес еді": Димаштың жалаушаға автограф қоюдан бас тартқан видеосы тарады (ВИДЕО)

22.11.2024

23

Бөлісу
Желіде Димаш Құдайбергеннің мемлекттік туға қол қоюдан бас тартып жатырған видеосы тарады, - деп хабарлайды ozgeris.info тілшісі. Видеодан бір топ жанкүйер Димашты қаумалап алған. Солардың бірі жалауша шығарып әншіден оған автограф қойып беруді өтінеді. Алайда Димаш бас тартады.
"Бұл - мемлекеттік ту. Мен рәмізге қол қоя алмаймын. Өз ойымды айтуға рұқсат етіңіздер. Мен ешқашан туға қол қоймаймын. Қазақстанның туы ма, басқа елдікі ме маған бәрібір. Мен кіммін? Сыйластық үшін де олай істей алмаймын. Жай ғана сыйлаймын", - деп түсіндірді ол.
Желі қолданушылары Димаш Құдайбергеннің бұл әрекетіне тәнті болды. "Тектілік, ақылдылық. Алла ақыл берген, ес берген. Рақмет, бауырым", "Міне, тектілік", "Димашымды Алла сақтап жүрсін", "Өз елінің рәмізін сыйлаған адам, өзге елге де сыйластық көрсетеді. Жарайсың, бауырым", "Қазақтың дана баласы", "Тәрбиеңнен сенің", "Басқа әншілер мән бермей, автограф бере салатын еді. Димаш жарады!", - деп жарыса жазды. 
Барлық жаңалық