Ақтөбе ферроқорытпа зауытының жұмысшысына найзағай түсіп, көз жұмды, деп хабарлайды Ozgeris.Info.
Ақтөбе қаласында жаңбыр жауып, найзағай ойнады. Ақтөбе ферроқорытпа зауытының жұмысшысы найзағай түсіп, көз жұмды.
Айта кетейік, Ақтөбеде нөсер жауын жауып, жол опырылып түсті. Көпқабатты үйлерде кәріз суы кері ағып, пәтер ішін бүлдірді."Ақтөбе ферроқорытпа зауыты аумағында 35 жастағы ер адамның ес-түзсіз жатқаны туралы хабар түсті. Жұмысшылардың айтуынша, кешкі астан кейін ол далаға шыққан. Ал іште отырған жұмысшылар оған найзағай түскенін, кейін қозғалыссыз қалғанын көрген. Сол кезде жедел жәрдем шақырған. Жұмысшы жедел жәрдем бригадасы жеткенше көз жұмған", — деп хабарлады облыстық Денсаулық сақтау басқармасының баспасөз қызметі.
