2025 жылдың 3 тамызында БҰҰ Бас хатшысы Антониу Гутерриш Қазақстан Республикасына ресми сапармен келеді. Бұл сапар Орталық Азия елдеріне жасалып жатқан тур аясында өтеді деп хабарлайды ozgeris.info сайты dknews.kz сайтына сілтеме жасап.
Сапардың негізгі мақсаты – Орталық Азия мен Ауғанстан үшін Тұрақты даму мақсаттарына (ТДМ) арналған БҰҰ-ның Өңірлік орталығын құру жөніндегі келісімге қол қою. Бұл маңызды құжат Алматы қаласында рәсімделеді. Алматы соңғы жылдары халықаралық бастамалар мен ынтымақтастық жобаларының орталығы ретінде танылып келеді.
БҰҰ Бас хатшысы Қасым-Жомарт Тоқаевпен екіжақты кездесу өткізіп, Үкімет мүшелерімен және БҰҰ құрылымдарының өкілдерімен бірге бірнеше ресми іс-шараларға қатысады деп жоспарлануда.
Келісімге Қазақстан Республикасы атынан – Премьер-Министрдің орынбасары, Сыртқы істер министрі Мұрат Нұртілеу мен БҰҰ атынан – Экономикалық және әлеуметтік мәселелер жөніндегі Бас хатшы орынбасары Ли Цзюньхуа қол қоятын болады.
Жаңа орталықтың құрылуы 2030 жылға дейінгі БҰҰ-ның Тұрақты даму күн тәртібін ілгерілетуге ықпал етіп, Қазақстанның Орталық Азиядағы тұрақты даму мен халықаралық серіктестік саласындағы жетекші ел ретіндегі рөлін нығайтатын болады.
