Қоғам

Сенатта арақ-шарап ішіп рөлге отырған жүргізушілердің жазасын жеңілдету мәселесі талқыланып жатыр

Сенатта арақ-шарап ішіп рөлге отырған жүргізушілердің жазасын жеңілдету мәселесі талқыланып жатыр

20.02.2025

229

Бөлісу
Жүргізуші куәлігінен айырылған қауым тақым қысып отыр. Сенат көлікті ішіп айдайтындарға кеңшілік жасауы мүмкін. Сенатта арақ-шарап ішіп рөлге отырған жүргізушілердің жазасын жеңілдету мәселесі талқыланып жатыр. Қазіргі тәртіпке сай, мас күйінде көлік тізгіндеген адам 7 жылға дейін көлік жүргізу құқығынан айырылады.  Депутаттар пікірінше, бұл мерзім өте ұзақ, әрі талай адамның негізгі табыс көзін шектеп, отбасын асырауында қиындық туғызуда. Кезінде мас күйінде көлік басқарғандар 1 жылға дейін "праводан" айырылатын. Соңғы өзгерістерден кейін бұл мерзім 7 жылға дейін ұлғайтылған еді. 
"Көлікті араққа сылқия тойып айдайтындар көбейіп кетті. ДТП-дан көз ашпай кеттік", - деген болатын сол кездері полиция қызметкерлері.
Сенатор, бұрынғы ІІМ басшысының орынбасары Марат Қожаевтың айтуынша, ұзақ мерзімге көлік жүргізу құқығынан айырылған азаматтар саны күннен-күнге өсіп, олардан келетін шағым да көбейген. Жеті жылдай көлік жүргізе алмау табысынан айырылғанмен тең.  Ал ел пікірі екіге жарылған: бір топ жазаны жұмсартуды қолдаса, екінші тарап қоғамдық қауіпсіздікті сақтау маңызды дейді. Мас күйінде рөлге отырғандарға 7 жыл жаза тым артық па, сіз қалай ойлайсыз?
Барлық жаңалық