Қазақстандықтарға 8 наурызда қосымша демалыс күні берілетін болды

Биыл Халықаралық әйелдер күні сенбіге сәйкес келіп тұр, демек қазақстандықтар қосымша демалыс күн алады. Ережеге сәйкес демалыс күні дүйсенбіге, яғни 10 наурызға ауыстырылады, деп хабарлайды BAQ.KZ. 2025 жылы наурызда қазақстандықтар екі мемлекеттік мерекені атап өтеді: • 8 наурыз – Халықаралық әйелдер күні; • 21-23 наурыз – Наурыз мейрамы. Халықаралық әйелдер күні (8 наурыз) сенбіге сәйкес келетіндіктен, демалыс күні 10 наурыз, яғни дүйсенбіге ауыстырылады. Бес күндік жұмыс аптасындағылар үшін: 8, 9 және 10 наурыз – демалыс күндері. Алты күндік жұмыс аптасындағылар үшін: 8 және 9 наурыз – демалыс, ал 10 наурыз – жұмыс күні. Наурыз айында қазақстандықтар қанша күн демалады? • Бес күндік жұмыс аптасындағылар – 14 күн демалады. • Алты күндік жұмыс аптасындағылар – 10 күн демалады.