Жаңалықтар

Ғани Бейсембаев оқушының мектепке хиджабпен келу мәселесіне қатысты түсінік берді

Ғани Бейсембаев оқушының мектепке хиджабпен келу мәселесіне қатысты түсінік берді

22.08.2023

165

Бөлісу
Үкімет отырысынан кейін БАҚ өкілдерінің сауалына жауап берген Оқу-ағарту министрі Ғани Бейсембаев оқушылардың мектепке хиджабпен келуіне қатысты мәселеге пікір білдірді, деп хабарлайды «Өзгеріс» ақпараттық-сараптамалық порталы. 
«Конституция бойынша Қазақстан - зайырлы мемлекет. Мектеп те зайырлы болып саналады. 2016 жылы бекітілген оқушылардың мектеп формасы мен киіміне қатысты бұйрық бар. Ол өзгерген жоқ. Сондықтан балалар білім ордасына мектеп формасымен келуі керек. Бұл балалардың бірдей білім алуы үшін жасалып отыр. Сондықтан бұл бағытта өзгеріс жоқ. Енді көтеріп отырған мәселе (оқушылардың мектепте хиджаб киіп келуі – автор түсіндірмесі) мұны шеше ала ма?! Бірінші кезекте біз негізгі мақсат пен адамдардың қосымша ойын шатастырмауымыз керек. Бала мектепте сапалы білім мен саналы тәрбие алуға міндетті. Оны ата-ана қамтамасыз етуі тиіс. Ол заңда белгіленген. Сондықтан бәріміз заңды орындауымыз қажет», - деп жауап берді Ғани Бейсембаев БАҚ өкілдерінің сауалына орай.
Барлық жаңалық