Футболшы Мбаппе қыз зорлады деген күдікке ілінді

Швеция прокуратурасы аты аңызға айналған француз футболшысы Килиан Мбаппеге қатысты зорлау ісі бойынша тергеу жүргізіп жатыр, деп хабарлады Ozgeris.info порталы AFP агенттігіне сілтеме жасап. Дегенмен, қазіргі уақытта тергеу барысында күдіктінің аты-жөні ресми түрде аталған жоқ. Бұқаралық ақпарат құралдарында Килиан Мбаппе Стокгольмде (Швеция) зорлау фактісі бойынша күдікке ілінгені туралы ақпарат тарады. Футболшының өзі әлеуметтік желілерінде бұл жаңалық жалған екенін айтты. Швецияның TV4 порталы хабарлағандай, 12 қазанда зорлау құрбандарына арналған аурухана бөліміне Килиан Мбаппе зорлады деп мәлімдеген әйел көмек сұрап барған. Қылмыс орны – Стокгольм қаласының орталығындағы футбол жұлдызы орналасқан қонақ үй. Оқиға орнында полиция мамандары тексеру жүргізді. Сондай-ақ, дереккөз полицияға зорлау фактісі бойынша күдікке ілінгені туралы мәлімдеме түскенін, бірақ тергеу кезінде ақпарат жарияланбағанын хабарлайды. Бұған дейін Франция құрамасының бас бапкері Дидье Дешам бұл жағдай туралы айтқан болатын. Ол бұл туралы футболшымен сөйлескісі келмейтінін мәлімдеді және Килианның жасы үлкен екенін және өзі не істеу керектігін жақсы білетінін айтты.