Түркістан облысында үш қызды зорлаған педофилге сот үкімі шықты

Түркістанда үш қызға азғындық көрсеткен педофилге сот үкімі шықты. Жасөспірімдерді зорлаған сотталушы 25 жылын түрмеде өткізеді. Сондай-ақ сот оған қатысты химиялық кастрациялау шарасын тағайындады. Оtyrar.kz жазуынша, жаға ұстатарлық жайт осыдан екі жыл бұрын Отырар ауданы Арыс ауылында болған. Сотталушы ағасының жасөспірім қызымен бірге ойнауға келген құрбыларына қатысты бірнеше рет жыныстық сипаттағы зорлық-зомбылық және зорлау әрекеттерін жасаған. Оқиғаның қалай болғанын жеткіншектердің өздері айтып берген.

«Қазақстан Республикасы Қылмыстық кодексінің 120-бабының 4-бөлігімен, 121-бабы 4-бөлігімін кінәлі деп танылып, оған түпкілікті педагогикалық және кәмелетке толмағандармен жұмыс істеуге байланысты қызметпен айналысу құқығынан өмір бойына айыра отырып 25 жыл мерзімге бас бостандығынан айыру жазасы, жазаны қылмыстық-атқару жүйесінің қауіпсіздігі орташа мекемесінде өтеу жазасы тағайындалған», – делінген Түркістан облыстық сотының хабарламасында.