Жаңалықтар

Жамбылда полиция бөлімі басшысының орынбасары ұсталды

Жамбылда полиция бөлімі басшысының орынбасары ұсталды

10.02.2025

276

Бөлісу
Лауазымды қызметкер "ауыр санаттағы қылмысты қасақана жасырды" деген күдікке ілінген, деп жазады ozgeris.info сайты.
"Қылмысты жасыру аудан аумағында болған 10 700 000 теңге қаражатты жымқыруға қатысты арызды сотқа дейінгі тергеп-тексерулердің бірыңғай тізіліміне тіркемеу арқылы жүзеге асырылған. Жиналған дәлелдемелердің жиынтығымен күдіктінің іс-әрекеті ҚК-нің 433-бабы 3-бөлігінің 2) тармағымен сараланды (ауыр қылмысты адамдар тобының алдын ала сөз байласуымен жасыру)", – деп хабарлайды Жамбыл облысының прокуратурасы.
Яғни, Прокуратура Байзақ ауданы полиция бөлімі бастығының орынбасарына қатысты ҚК-нің 433-бабының 2-бөлігі бойынша "ауыр санаттағы қылмысты қасақана жасырды" деген күдікпен сотқа дейінгі тергеп-тексеруді бастаған. Ол ҚПК-нің 128-131-баптарына сәйкес ұсталып, оған қатысты сот "күзетпен ұстау" түріндегі бұлтартпау шарасын санкциялады. Сотқа дейінгі тергеп-тексеру жалғасып жатыр. ҚПК-нің 201-бабына сәйкес өзге ақпарат жария етілмейді.
Барлық жаңалық