Тележүргізуші Ләйлә Сұлтанқызы блогерлер Айым Сейтметова мен Талғат Итаевтың жеке өміріне қатысты пікір білдіргеннен кейін әлеуметтік желі қолданушыларының сынына ұшырады, деп хабарлайды ozgeris.info сайты.
Ләйлә Сұлтанқызы Threads желісіндегі парақшасында: «Айым мен Талғат соңында татуласатынын білемін, бірақ дәлелдей алмаймын», – деп жазған.
Алайда көп уақыт өтпей өшіріп тастады.
Бұл пікір желіде қызу талқыланып, көпшілік тележүргізушіні өзге адамдардың жеке өміріне араласты деп сынады.
Пікір қалдырған қолданушылардың бірі: «Жеке өмірінде не шаруаңыз бар? Бұл халық алдында талқылайтын мәселе ме? Үлкен аудиторияңыз бар екен, пайдалы дүниелер жазсаңызшы», – десе, енді бірі: «Дәл сіздің қозғайтын тақырыбыңыз емес еді бұл», – деп жазған.
Еске салайық, бұған дейін блогер Айым Сейтметова жолдасы Талғат Итаевпен ажырасып жатқанын мәлімдеген болатын.
