Nvidia компаниясының бұрынғы басшысы Дженсен Хуанг отставкасынан кейінгі алғашқы үндеуінде өз орнына қайта оралуы мүмкін екенін жоққа шығармады, деп хабарлайды Ozgeris.info сайты Euronews-ке сілтеме жасап.
"Қызметімнен кеткелі бері NVIDIA қызметкерлерінен, инвесторлардан, серіктестер мен клиенттерден бас директор орнына қайта оралуымды сұраған өтініштер легі келіп жатыр", – деді Хуанг америкалық БАҚ-қа берген мәлімдемесінде.
Оның айтуынша, егер директорлар кеңесі қайта келуін құптаған жағдайда, ол бұл үндеулерге құлақ асып, CEO лауазымына қайта кірісуге ниетті.
Nvidia-ны 33 жыл басқарған әрі оның негізін қалаушылардың бірі Хуангты қызметіне қайтару жөніндегі науқан демалыс күндері қарқын алды.
Дүйсенбі күні АҚШ президенті Дональд Трамп та Хуангтың қайта оралуына қарсы еместігін жеткізді. Бірақ та, Nvidia директорлар кеңесі өзге кандидаттарды қарастырып жатқанын алға тартты. Компания Хуангты қайтаруға ниеті жоқ екенін ресми түрде мәлімдеді.
Дженсен Хуанг 1 желтоқсанда АҚШ Өкілдер палатасының Сыртқы істер комитеті, барлау комитеті және Қытай коммунистік партиясы жөніндегі арнайы комитеті алдында хаттама жүргізілетін жабық отырыста түсініктеме береді. Ал 2 желтоқсанда хаттама толтырылатын дәл осындай жабық отырыста Nvidia компаниясының бас заңгері Тим Титер сөз сөйлейді.
Айта кету керек, бұған дейін Трамп Nvidia басшылығына Тим Кукты ұсынғанын жазғанбыз.