ШҚО-ның ауылдық мектебінде Илон Масктың интернеті қосылған

Нарын ауданы Үлкен Сенное ауылындағы жалпы білім беретін мектепте «Starlink» спутниктік интернет орнатылған. ШҚО-ның цифрландыру және мұрағат басқармасының хабарлауынша, биыл мұндай интернетті облыстың 170 мектебіне орнату жоспарланған. "Дегенмен, бұл мектептерде кейінірек толыққанды интернет жүргізіледі. Қазір «Starlink» сапасы бойынша алдыңғы қатарлы желілердің бірі болып табылады. Оның жылдамдығы секундына 120 мегабитке жетуі мүмкін. Сондай-ақ, оны қосу жұмыстары жылдам жүргізілуде ", - делінген хабарламада.