Бүгін Алматы тұрғындары кезекті жерасты дүмпуін сезінді. Бұл табиғи құбылыстың негізгі ошағы көршілес Қытай аумағында орналасқан.
Төтенше жағдайлар министрлігіне қарасты "Ұлттық сейсмологиялық байқау және зерттеу ғылыми орталығы" серіктестігінің станциялар желісі зілзаланы Астана уақытымен сағат 11:09 кезінде тіркеді.
Жер сілкінісінің эпицентрі Алматы қаласынан оңтүстік-шығысқа қарай 257 шақырым қашықтықта жатыр. Мамандар дүмпудің нақты координаталарын да анықтады. Ол солтүстік ендік бойынша 41.357 градусты және шығыс бойлық бойынша 78.778 градусты көрсетіп тұр.
Айта кетерлігі осы табиғи құбылыс салдарынан зардап шеккен адамдар немесе қираған ғимараттар туралы ешқандай хабарлама түскен жоқ. Жағдай толықтай мамандардың бақылауында.
