«Денем тітіркеніп кетті»: Нұрлан Өнербаев Ыстамбұлдағы қазақтарды жылатты

Түркияның Ыстамбұл қаласында жас ақын, жазушы, журналист Жәмиля Бақтиярқызының мотивациялық «Бәйшешек» атты кітабі түрік тіліне аударылып, оның таныстырылымы өткен, деп хабарлайды Azattyq Rýhy. Түркия қауымына жол тартқан «Бәйшешек» кітабының таныстырылмында әнші, Қазақстанның еңбек сіңірген қайраткері Нұрлан Өнербаев Ыстамбұлдағы қазақ студенттерінің алдында «Анашым» әнін орындап берді. Оны домбырамен Досымжан Таңатаров сүйемелдеп, кейін залға лық толған жастар әнді бірге шырқады. Ән айтылған кезде студенттердің ішінен көз жасын тоқтата алмағандар да бар. Бұл видеоның астына пікір жазғандар Нұрлан Өнербаев бір шумақ әнімен-ақ ана мен бала махаббатының қандай кіршіксіз екенін көрсетіп берді дейді.

«Денем тітіркеніп кетті. Аналарымыз аман болсын, сыртта жүрген бауырларым аман болсын, осындай үлгі тұтардай ағаларымыз аман болсын. Қазағым аман болсын», - деп жазған желі оқырмандары.

Кітап жанры - өмірбаяндық эссе. Жәмиля Бақтиярқызы он жасынан бері ауыр дертпен күресіп, оны жеңіп шыққан.