Ұлттық қордың таза валюталық активтері 2029 жылға қарай 70,6 млрд долларға жетуі мүмкін. Бұл туралы Ұлттық экономика бірінші вице-министрі Азамат Әмрин Құрылтайдан кейінгі брифингте айтты, деп хабарлайды Ozgeris.info.
Вице-министр қорды толықтырудың екі негізгі көзі бар екенін атап өтті. Біріншісі – мұнай секторынан түсетін салықтар мен басқа да шикізаттық түсімдер. Екіншісі – Ұлттық қор активтерін басқарудан алынатын инвестициялық кіріс.
«Біріншісі – шикізат секторының салықтары. Екіншісі – Ұлттық банктің осы активтерді дұрыс басқарып, барынша көп кіріс табуы», – деді Әмрин.
Оның айтуынша, қордың таза валюталық активтері 2027 жылы 65,2 млрд доллар, ал 2029 жылы 70,6 млрд доллар деңгейінде болады деп болжанып отыр.
