"Мұнда садақшы балалар киім ауыстырады": Журналист спорт мектебінің адам шошырлық ахуалын көрсетті

Журналист Полина Шиманская әлеуметтік желідегі парақшасына балалар спорт мектебіндегі адам шошырлық әжетхананың суретін жариялады, - деп хабарлайды ozgeris.info. Жазылған пікірлерге сүйенсек, сурет Алматы қаласындағы спорт мектептерінің біріне тиесілі.

"Балалар баратын спорт мектептеріне мониторинг жүргізуді қайта бастадық. Бұл мемлекет бюджетінен қаржыландырылатын 5-БЖСМ(Балалар-жасөспірімдер спорт мектебі). Мұнда садақшылар киім ауыстырады. Қазіргі спорт мектептерінің жай-күйін бұдан артық суреттеуге келмейді. Толық ақпаратпен кейін бөлісемін", - деді журналист.

Желі қолданушылары да журналист жариялаған суреттен шошынып қалғанға ұқсайды. "Алматы? Қандай аудан?", "Мынау сұмдық!", "Мемлекет қандай болса, әжетхана да сондай", "Барлық университеттегі жағдай осы", "Мынау күлетін нәрсе емес", - деп жазды олар.