"Бес түн қыдырдық": Әлия Назарбаеваның бетін әрлеген визажист барлығын жайып салды (ВИДЕО)

Белгілі визажист Роберт Минасян Қазақстанның экс-президенті Нұрсұлтан Назарбаевтың отбасымен жұмыс істеген кезі туралы ашық мәлімдеме жасады. Ол бұл жайында журналист әрі блогер, «Дом-2» жобасының бұрынғы қатысушысы Рустам Солнцевтің блогында айтып берді, деп хабарлайды ozgeris.info.

Минасянның сөзінше, шамамен 20 жыл бұрын оны арнайы түрде Алматыға шақыртып, экс-президенттің қызы — Әлия Назарбаеваға макияж жасау тапсырылған. Алайда визажистің айтуынша, бұл сапар тек бір ғана процедурамен шектелмеген.

«Мені арнайы алып келді, сол жерде бес түн болдым», — деді ол.

Визажист сол күндері Назарбаева әулетінің жақын ортасында болғанын, уақыттың басым бөлігі түрлі кештермен өткенін жеткізді.

«Бес түн қатарынан — өте қатты қыдырдық», — деп еске алды Минасян.

Сондай-ақ ол дәл сол сапарында алғаш рет Birkin сөмкесін тірідей көргенін айтып, сол кездегі сән-салтанат пен байлық деңгейі өзін қатты таңғалдырғанын жасырмады.

Бұдан бөлек, Роберт Минасян атқарған жұмысы үшін қомақты гонорар алғанын мәлімдеді. Оның айтуынша, Әлия Назарбаева бір ғана макияж үшін оған «ондық» төлеген, алайда нақты қай валютада берілгенін нақтыламады.

Айта кетейік, Роберт Минасян 1990-жылдардан бері гримёр әрі визажист болып жұмыс істеп келеді. Кәсіби мансабы барысында бірнеше елде еңбек еткен. Қазіргі уақытта Калифорнияда тұрады. Оның қызметін АҚШ, Ресей, Армения және Германиядағы шоу-бизнес өкілдері пайдаланған.