"Әкесі мынадай ұлы барына өкінетін шығар": Сән салонында кірпігін ұзартқан жігіт сынның астында қалды

Әлеуметтік желіде сұлулық салонына келіп, кірпігін ұзартып, қасын тергізген жігіттің видеосы тарады.  Желі қолданушылары жігіттің бұл әрекетін қатты сынап тастады, деп хабарлайды Ozgeris.info тілшісі Azattyq Rýhy сайтына сілтеме жасап. Видеоның қай қалада түсірілгені белгісіз. Кадрдан ер жігіттің сән алонына келіп, кірпік ұзарту процедурасын жасатқанын көруге болады. Одан кейін жігіт қасын да тергізеді. Видео соңында айнаға қараған жігіт «Күшті болып тұр, маған ұнады» деп бағалайды қызметкерлердің жұмысын. Ал желі қолданушылары жігіттің бұл әрекетін сынға алды. «Ер азаматымыздың мынадай әрекетке барғаны өкінішті», «Жігіт боп кіріп, гейге ұқсап шықты», «Еркектен қатынға екі қадам», «Ер азамат деген атаққа лайық емес», «Әкең сендей ұлының бар болғанына жылаған шығар», «Әйелге ұқсап қалды түрі. Еркек еркек болып қалу керек», «Жетісіпті», «Енді жетпегені осы еді», - деген пікірлер қалдырылған.