Қытай төрағасы Си Цзиньпин АҚШ президенті Дональд Трампты Шэньчжэнь қаласына келгенде ұшақ баспалдағының алдында жеке өзі қарсы алды, деп хабарлайды Ozgeris.info.
Трамп Азия-Тынық мұхиты экономикалық ынтымақтастығы (АТЭС) саммитіне қатысу үшін Қытайға барған.
Сапар аясында АҚШ президенті Қытай төрағасы Си Цзиньпинмен және Ресей президенті Владимир Путинмен келіссөз жүргізеді деп жоспарланған. Үш ел басшысының кездесуі 19 қарашада өтеді деп күтілуде.
Бұған дейін Си Цзиньпин мен Владимир Путин екіжақты келіссөз өткізген. Ал 18 қарашада Путин мен Трамп салтанатты қабылдау кезінде кездеседі.
Ресей президентінің көмекшісі Юрий Ушаковтың айтуынша, Путин мен Трамптың кездесуі кеңейтілген делегацияларсыз өтеді. Тараптар Украинадағы қақтығысты реттеу мәселесін, АҚШ ұсыныстары мен Ресей бастамаларын талқыламақ.
Financial Times басылымының дерегінше, АТЭС саммиті аясында үш ел басшысының кездесуі алдын ала келісілген күн тәртібінсіз өтуі мүмкін.