Ресей президенті Владимир Путин қатерлі ісікпен күресіп жатқан танымал блогер Лерчекке (Валерия Чекалина) кешірім жасау туралы жарлыққа қол қойды. Ол шетелге заңсыз түрде бірнеше миллион рубль аударғаны үшін шартты жазаға кесілген болатын, деп хабарлайды Ozgeris.info
ЖАҒДАЙДЫҢ МӘН-ЖАЙЫ
Валерия Чекалина әлеуметтік желілерде Лерчек есімімен танымал. 2026 жылдың ақпан айында оған асқазанның төртінші сатыдағы қатерлі ісігі диагнозы қойылған. Ауруына байланысты блогер шетелде емделуге рұқсат сұраған.
Тергеу нұсқасы бойынша, Лерчек бұрынғы күйеуі Артем Чекалинмен және серіктесімен бірге 2021–2022 жылдары Біріккен Араб Әмірліктеріне жалған құжаттарды пайдаланып, 251,6 миллион рубльден астам қаражат аударған.
2026 жылғы 31 шілдеде Мәскеу соты блогерді бес жылға шартты түрде бас бостандығынан айырып, оған ірі көлемде айыппұл салған. 12 қарашада ол Владимир Путинге кешірім жасау туралы өтініш жолдаған. Ал 14 қарашада президент оны жазадан босатып, соттылығын алып тастау туралы жарлыққа қол қойды.
