«Жаңа адамдар» қозғалысы «Әділетті және прогрессивті Қазақстанның халықтық Конституциясы үшін!» Жалпыұлттық коалициясының өкілдерімен кездесіп, Конституцияға енгізілетін өзгерістерді және алдағы референдумда азаматтардың қатысуының маңызын талқылады деп жазды ozgeris.info сайты.
Кездесу барысында «Жаңа адамдар» қозғалысының көшбасшысы Асель Баденова сөз сөйлеп, Қазақстан қазіргі уақытта тарихи кезеңді бастан өткеріп жатқанын атап өтті. Оның айтуынша, Конституцияға енгізіліп жатқан өзгерістер мен түзетулер ел мен қоғам дамуының табиғи үдерісін көрсетеді. Сонымен қатар мемлекеттегі өзгерістер қоғамдық сананың жаңаруынсыз мүмкін еместігі де айтылды.
Асель Баденова, «Жаңа адамдар» қозғалысының көшбасшысы:
«Соңғы жылдары азаматтар ел өміріне белсендірек араласып, маңызды мәселелерді талқылап, ел болашағы үшін өз жауапкершілігін тереңірек сезіне бастады. Қазақстан әйелдер құқығын қорғау бағытында заңнамалық деңгейде нақты шаралар қабылдаған алғашқы елдердің бірі екенін де атап өткен жөн. Сонымен қатар тұрмыстық зорлық-зомбылық, сталкинг және алып қашу үшін жауапкершілікті күшейтетін заңдар қабылданды».
Оның айтуынша, азаматтық ұстаным қоғам өмір сүретін шынайылықты қалыптастырады. Алдағы референдум – әр азаматтың ел болашағына тікелей ықпал ету мүмкіндігі. Бұл – адамдардың дауысы арқылы мемлекеттің даму бағытын айқындайтын жауапты азаматтың құралы.
Кездесу соңында «Жаңа адамдар» қозғалысының өкілдері қазақстандықтарды бейжай қалмауға және 15 наурызда өтетін референдумға қатысуға шақырды. Олар елдің даму бағыты азаматтардың белсенді қатысуымен айқындалатынын атап өтті.(Видео)
