Бұған дейін алаяқтыққа қатысты даумен қоғам талқысына түскен Жанабіловтер отбасының аты тағы бір даулы жағдайға байланысты аталып жатыр, деп хабарлайды ozgeris.info сайты.
Әлеуметтік желідегі Threads платформасында Эльмира Төлегеноваға тиесілі делінген ескі хат алмасудың скриншоттары қайта тарап, қызу талқыға түсті. Желі қолданушыларының айтуынша, хатта қазақтарға қатысты ауыр, қорлайтын сөздер қолданылған.
"Оңбаған қазақтармен жұмыс жасағым келмейді", - деп жазған блогер хатта.
Тараған мәліметке сәйкес, бұл хат алмасу бұрын жарияланған. Алайда оның қайтадан әлеуметтік желіде таралуы қоғамда үлкен резонанс туғызып, көпшілік аталған жағдайға құқықтық және қоғамдық тұрғыдан баға берілуі қажет екенін айтып жатыр.
