Қазақстанның әйелдер арасындағы бірінші ракеткасы Елена Рыбакина 2026 жылғы Australia Open турнирінің екінші кезеңінде жеңіске жетті, деп хабарлайды Оzgeris.info сайты Azattyq Rýhy порталына сілтеме жасап.
Әлемдік рейтингте 5-орында тұрған қазақстандық теннисшінің қарсыласы – 77-ші ракетка франциялық Варвара Грачева.
Кездесу екі сетке созылып, Рыбакина 7:5, 6:2 есебімен жеңіске жетті.
Ойын 1 сағат 17 минутқа созылды. Осы уақыт ішінде Қазақстанның бірінші ракеткасы бес эйс орындады, қос қате жіберген жоқ және жеті брейк-поинттың бесеуін тиімді пайдаланды.
Келесі кезеңде Елена Рыбакина әлемдік рейтингте 54-орында тұрған чех теннисшісі Тереза Валентовамен ойнайды.
