Қазақстандық кәсіпқой боксшы Жәнібек Әлімханұлының Boxrec.com порталындағы профилінде Боксшылар комиссиялары қауымдастығы спортшыны белгісіз мерзімге аластатқаны жазылған, деп жазады Sports.kz.
Бұл шешім Жәнібек Әлімханұлының допинг дауына ілігуіне байланысты болып отыр. Бұл даудың салдарынан оның кубалық Эрисланди Лараға қарсы WBO, IBF және WBA титулдары үшін болатын жекпе-жектері кейінге шегерілген. Бұл оқиғадан соң кубалық Лара венесуэлалық Йохан Гонсалеспен жекпе-жекке шығып, ол төрешілердің шешімімен жеңіске жеткен.
