Ақтауда ауруханада жатқан науқас терезеден секірмек болды

Өз-өзіне қол жұмсауға әрекет жасаған науқастың видеосы әлеуметтік желіде пайда болды. Ер адам терезеден секірмек болған, абырой болғанда, бірнеше адам оның өмірін құтқарып қалды, деп хабарлайды Lada.kz. Оқиға 26-шағынаудандағы Маңғыстау облыстық ауруханасында болған. 1972 жылы туған науқас жүрек ауруымен ауруханаға түскен. Маңғыстау облысы Полиция департаментінің мәліметінше, полиция шақырту бойынша оқиға орнына жеткен. Ер адам құтқарылды. Алдын ала болжам бойынша, суицид әрекетінің себебі - отбасындағы жанжал. Қазіргі уақытта науқастың палатасының жанында полицейлер кезекшілік етуде.