Қазақстандықтар онлайн-сатып алуларға неше теңге жұмсағаны белгілі болды

Қазақстандықтар онлайн-сатып алуларға 3,2 трлн теңге жұмсады. Бұл 2024 жылдың 11 айының қорытындысы бойынша мәліметтер. Оларды Үкімет отырысында сауда және интеграция министрі Арман Шаққалиев келтірді, деп хабарлады премьердің баспасөз қызметі. Ол 2020 жылдан бастап елдегі электрондық сауда көлемі 5 есеге ұлғайғанын, алайда бұрынғысынша әлемдік орташа көрсеткіштен төмен болып қалатынын хабарлады. 2029 жылға қарай электрондық сауда көрсеткішін іс жүзінде 3 есеге ұлғайтып, оны 9,3 трлн теңгеге жеткізу жоспарланып отыр. Ол үшін Үкімет онлайн-коммерцияны дамыту жоспарын қабылдады.