Премьер-министр Олжас Бектенов құтқарушылар мен қызметкерлерге алғыс білдірді

Үкімет басшысы Қазақстан азаматтарына құтқарушыларға барынша көмек көрсетуге және олардың жұмысына кедергі келтірмеуге шақырды. Министрлер кабинеті басшысының айтуынша, төтенше жағдайлар органдары қызметкерлері мен құтқарушылардың жұмысы өте қиын және қауіп-қатерге толы. Батыс Қазақстан облысында сержант Батырбек Қапсықов қызметтік міндетін атқару кезінде екі бірдей пышақ жарақатын алған. Қылмыскер ұсталды. Ақтөбе облысында тасқын жағдайында құтқару қызметтерінің жұмысшылары жүкті әйелді босандырып алды. Олардың іс-әрекетінің арқасында анасы мен жаңа туған егіздер құтқарылды. «Осы мүмкіндікті пайдалана отырып, мен қазіргідей қиын жағдайда ел тұрғындарына көмек қолын созып жатқан құтқарушыларға, ұшқыштарға, Ішкі істер министрлігі мен Ұлттық ұланның қызметкерлеріне, медицина қызметкерлеріне және қатардағы еріктілерге алғысымды білдіргім келеді», — деді Олжас Бектенов.