Жаңалықтар

Мектеп оқушысы жасөспірімді қағып кетті

Мектеп оқушысы жасөспірімді қағып кетті

09.04.2022

30

Бөлісу
Ақмола облысында әкесінің көлігін рұқсатсыз мінген 8-сынып оқушысы 15 жастағы жасөспірімді қағып кетті, деп хабарлайды "ozgeris.info". Облыстық ПД баспасөз қызметінің мәліметінше, жол-көлік оқиғасы Ақмола облысы Зеренді ауданы Шағалалы ауылында 8 сәуір күні сағат 21:25-те болған. Оқиға туралы Зеренді аудандық ПБ кезекші бөліміне жергілікті фельдшер хабарлаған. "8-сынып оқушысы әкесіне тиесілі "ВАЗ-21112" автокөлігін рұқсатсыз мініп кеткен. Сөйтіп, дүкен маңынан өтіп бара жатқан 15 жасар жасөспірімді байқамай қағып кетеді. Зардап шегуші түрлі дене жарақатымен ауруханаға жеткізілді", - делінген ведомство хабарламасында. Қазір бұл оқиғаға байланысты Қылмыстық кодекстің 345-бабы 1-бөлігі "Жол жүру ережесін бұзу" бойынша сотқа дейінгі іс қозғалып, көлік айыппұл тұрағына қойылды. Кінәлі баланың әкесін әкімшілік жауапкершілікке тарту мәселесі қарастырылуда.  

"ozgeris.info"

   
Барлық жаңалық