"Қасықтап жиған абыройыңды шелектеп шашпа!": Димаштың сахнадағы қылығы көпке жақпай қалды (ВИДЕО)

Әлемге танымал қазақстандық әнші Димаш Құдайбергеннің әуе гимнастикасымен айналысатын әріптесі Ольга Хлебовамен бірге орындаған сахналық нөмірі желіде қызу талқыланып жатыр, деп хабарлайды ozgeris.info сайты.

TikTok желісінде тараған видеода әнші «Любовь уставших лебедей» әнін орындау кезінде гимнаст қызбен әсерлі хореографиялық қойылым көрсеткен. Желі қолданушылары бұл көрініске қатысты түрлі пікір білдірді.

Көпшілік Димаштың сахна мәдениеті мен өзін ұстауын жоғары бағалаған.

«Өлә, неге сүйесің Димаш, байымыз, бала-шағамызбен бірге сені қызғанып отырмыз, сорлы Ольга мәз ғой», – деп жазды желі қолданушысы.

Тағы бір оқырман: «Димаш ондайға бармайды. Көрермен үшін жасалған ғой», – деп пікір қалдырған.

Ал кейбір жанкүйерлер әншінің абыройын сақтау туралы пікір білдірген.

«Димаш бауырым, қасықтап жинаған абыройыңды шелектеп шашпа. Сәттілік саған, тілегіңді тілеймін, қателеспеші», – деп жазды желідегілердің бірі.

Сондай-ақ пікір қалдырушылардың бір бөлігі бұл тек сахналық образ екенін атап өтті.

«Бұл әннің өзі айтып тұр ғой бәрін. Ал Димаш тек сол әннің образында ғана», – деп жазды қолданушы.

«Бұның бәрі сценарий бойынша! Артық кетпеңіздер», – деген пікірлер де көптеп кездескен.